Жалал-Абад областында 6 информатика классы компьтерлер менен жабдылды.

Жалал-Абад областынын К.Эрматов атындагы №75 лицей-интернаты, М.В.Фрунзе атындагы №1 жана Мамасадык Маткаримов атындагы №20 орто мектептери, Т.Темирбаев атындагы №6 мектеп-гимназиясы, Ж.Бөкөнбаев жана Н.Исаев атындагы интернат-гимназиялары компьютерлер менен камсыз болушту.

Үстүбүздөгү окуу жылында MegaCom компаниясынын колдоосу менен Ноокат районунда эки жана Чүй областында бир компьютердик класс ачылган. Элеттик окуучулардын билим сапатын жогорулатууга белсене киришип жаткан MegaCom компаниясынын дарегине ыраазычылык каттары келип түшүүдө.

Долбоор алкагында республиканын алыскы аймактарындагы 63 класс компьютерлер менен жабдылып,143 мектеп өз кезегин күтүүдө.